Minute of Meeting

Minute of Meeting
15 April 2020

S.E.Prmeiru Ministru Taur Matan Ruak hato resultadu Konselu Ministru nian ba iha ekipa Sentru Intregadu Jestaun Krise (SIJK) konaba;
•Ohin aprova ona Dekretu Governo iha sala Konselu Ministru nian.
•Ohin mos diskuti ona konaba impaktu Economia Social husi asuntu COVID 19, halo-oinsa hodi resposta mos ba iha situasaun ida ne’e, kuandu ita tama ba krize segrunaca alimentar, kuandu pior liu laiha ona stok aihaan.
Tuir mai husi solusaun inkontru S.E.P.M hato pontus importante rua (2) hodi taka inkontru nian hanesan tuir mai ne’e;
•Ita tenki hanoin ona agora konaba ita iha ka lae? Kondisaun atu halo extensaun ba Estadu Emerjensia nian tanba ita hare ba kondisaun ita nian agora ema positive aumenta tan ona maske ita sidauk tama ba situasaun “Mitigasaun’ maibe ita mos tenki prepara aan ona ba situasaun ne’e.
•Medidas; ita iha difikuldade konaba regras distansia social nian tanba ita iha regras maibe ita laiha sensaun tan-nee ita nia atuasaun sei iha situasaun hanesan “Soft Approach”. Ita laiha medidas konaba sansaun ruma.



Asuntu/orentasaun tuir mai;
•Aban ita sei iha aprezentasaun ida iha Parlamentu tan-nee husu ba ekipa SIJK nia elementus nain 4 ka 5 hodi atende.
•Iha loron Sesta, 17 Abril 2020 sei iha aprezentasaun ida husi SIJK ba iha Konselu Ministru hodi hare fali sitausaun iha semana 3 nia laran, atualizasaun konaba resultadu iha semana tolu nian, to’ iha nebe ona? Hodi nune’e atu reliza konaba remata Estadu Emerjensia ne’e,  iha ona ideas atu kontinua tan ka lae?. Tanba Sesta semana ne’e ita iha deit ona semana ida tan atu remata ba Estadu Emerjensia.

Solusaun
Kuandu ita tama ba Senariu Pior, ita sei involve F-FDTL hodi mobiliza ka realiza Major General L.A.T. nia ideas konaba kuzina movel hodi responde ba krise. Agora ita seidauk tama ba iha situasaun ‘Metigasaun’ tan-nee ita rejista hela ideas ne’e.
Tuir mai, S.E.P.M mos aumenta tan pontus balun husi Dr.Aurelio nia esplikasaun ba Sec.Estado konaba ita nia responta ba situasaun COVID 19 nian, ne’ebe antes ne’e ita seidauk taka Flonteira Terestra, ita iha difikuldade hodi simu  ema hotu tama mai iha ita nia Rai hodi hatama ba iha Kuarentena tanba razaun ita laiha kondisaun.
Ikus mai, ita deside ona taka Flonteira Portu ho Terestra tan-nee agora ita konsege resolve ita nia situasaun konaba moras deportadu sira ne’ebe kontroladu iha Kuarentena. Ita seidauk tama ba iha asuntu pior ka “Mitigisaun” ka tranfere local konaba COVID 19 ne’e, tanba tuir informasaun no kazu nebe ita iha sira ne’e hotu kazu importadu.
Ikus liu; S.E.P.M. husu ba SIJK sei prepara nain ha’at ka lima hodi ba hamutuk aban iha Parlamentu Nasional. Depois prepara aan mos ba aprezentasaun iha loron Sesta, 17 Abril 2020 hodi hare liu ba asuntu rua; estensaun ba Estadu Emerjensia no Medidas saida mak ita bele foti hodi hasoru kuandu ita tama ona ba iha situasaun pior.